Lajçak mes dy zjarreve/ Ish diplomati drejton gishtin dhe akuzon

Ish-diplomati serb, Zoran Milivojeviç ka vlerësuar se pretendimi i sotëm i Miroslav Lajçak se marrëveshja e vitit të kaluar në Bruksel ishte “më e mira që mund të merrnin Serbia dhe Kosova”, përfaqëson një qëndrim për  interesat perëndimore që janë të papranueshme për Serbinë.

“Është një pozicion që i përshtatet interesave perëndimore për momentin. Ai i referohet Marrëveshjes së Ohrit, e cila parashikon njohjen de facto. Për Serbinë, ai është i papranueshëm. Serbia ka investuar rezervat e saj. Prandaj qëndrimin e tij e interpretoj si qëndrim të qendrave të fuqisë perëndimore”, tha Milivojeviç, sipas te cilit, Lajçak ka treguar se është zëdhënës i interesave perëndimore.

“Fakti që thotë se kjo është gjëja më e mirë e mundshme që mund të fitojnë të dyja palët, pësa i përket palës serbe, nuk ka çfarë të fitojë. “Pala serbe këmbëngul vetëm në atë që është e drejtë, që është sovraniteti dhe integriteti territorial i Serbisë, duke përfshirë Kosovën dhe Metohinë si pjesë të saj, një bisedë për normalizimin që nuk përfshin çështjet e statusit”, theksoi Milivojeviç.

I dërguari i posaçëm për dialogun ndërmjet Kosovës dhe Serbisë, Miroslav Lajçak, dje pas bisedës me kryenegociatorin e Kosovës dhe zëvendëskryeministrin Besnik Bisljimi, tha se marrëveshja e vitit të kaluar në Bruksel ishte “më e mira që mund të merrnin Serbia dhe Kosova”.

“Nëse do të kishte një marrëveshje më të mirë, ajo tashmë do të ishte propozuar, prandaj është në interesin e të gjithëve që të fillojnë ta zbatojnë atë, sepse me këtë marrëveshje kemi përgjigje në pyetjet se çfarë të bëjmë dhe si të bëjmë. Kjo marrëveshje është e mira dhe ne duhet të fillojmë ta zbatojmë atë sa më shpejt të jetë e mundur, kemi shpenzuar shumë kohë duke diskutuar hapat, ka frikë nga të dyja palët se nëse bëjnë atë që u kërkohet, a do ta bëjnë pala tjetër hapin e saj, por besoj se këto çështje mund të zgjidhen lehtësisht” – theksoi emisari Lajçak.