Lorenc Vangjeli: Pse Shqipëria mund të shkojë në zgjedhje të parakohshme në tetor

Gazetari Lorenc Vangjeli thotë se nga marrëveshja mes Rithemelimit dhe mazhorancës i vetmi i humbur është Lulzim Basha.

Sipas Vangjelit, nuk përjashtohet mundësia që vendi të shkojë në zgjedhjet të parakohshme në tetor dhe kjo sipas tij lidhet shumë me zgjedhjet amerikane që mbahen në fillim të nëntorit.

“Ajo që ka ndodhur është e thjeshtë, është pushuar nga puna Alibeaj se nuk do mundte të bënte diçka në komisionin e reformës zgjedhore.

Rama që ka shansin të zgjedhë mes Berishës dhe Bashës dhe Berisha që sheh Bardhin si njeriun që mund t’i zbardhë faqen.

Është një tezë që buron nga mundësitë teorike dhe logjike, nga fakti që gjysma e botës në këto muaj shkon në zgjedhje.