Luana Vjollca nxit imagjinatën me pozat tërheqëse nga pushimet në Capri

Luana Vjollca duket se po bën një pushim para nisjes së programit të ri. Artistja, e ndjekur nga mbi dy milionë njerëz vetëm në Instagram, po shijon pushimet në Capri të Italisë. Prezantuesja dhe këngëtarja nuk ka munguar me disa fotografi në rrjete sociale, përmes të cilave ka vënë në pah linjat trupore, pamjen e mrekullueshme si dhe jetën luksoze. Ajo ka pozuar me një palë bikini me lule, e në disa të tjera me kapelë plazhi si dhe një palë syze dielli. “E humbur në Caprin e bukur”, ka shkruar ajo. Komplimentet nuk kishin se si të mungonin në pozat atraktive, duke qenë se flitet vazhdimisht për fizikun e kompletuar. Biondja në shtator do të nisë me prezantimin e reality show-t “Love Island” që vjen për herë të parë në Shqipëri.