LVV duket e lodhur/ Ish kryediplomati: Albin Kurti mendon që është i vetëmjaftueshëm

Ish-ministri i Punëve të Jashtme, Petrit Selimi, ka thënë se paraqitjet e deputetëve të Lëvizjes Vetëvendosje në media janë reduktuar në vetem dy deputetë
“Eee… ku janë ministrja e arsimit? Ajo e tregtisë? Ekonomisë? Ministrja e drejtësisë pastaj? Krejt paraqitjet mediale të partisë në pushtet janë reduktuar në Mefën e Dimal Bashën. Kurtit ja merr mendja që është i vetëmjaftueshëm po s’është koha per te kujtuar vitin 2021. LVV po duket shume e lodhur” – keshtu ka shkruar Selimi në platformën X.

Perpos paraqitjeve televizive, ligjvënësit e pozitës kanë munguar në tri seancat e fundit të jashtëzakonshme në Kuvend. Sipas IKD-së, kjo përbën një shkelje të besimit të qytetarëve, detyrave dhe përgjegjësive si deputetë të kuvendit.

“Kjo praktikë dhe qasje e LVV është e pazakontë dhe cenon rëndë vlerat demokratike të Republikës se Kosovës. Bojkoti i seancave parlamentare dëmton jo vetëm integritetin e Kuvendit por eshte edhe injorim ndaj qytetarëve të Kosovës”, thuhet në reagim.

Po ashtu, IKD-ja ka vlerësuar se deputeti ka detyrimin të respektojë dispozitat kushtetuese dhe ligjin, të cilat përbëjnë bazën e funksionimit të një shoqërie demokratike.

“Ky obligim e vendos atë në një rol të rëndësishëm, ku veprimet dhe vendimet e tij duhet të reflektojnë vlerat dhe parimet e shtetit ligjor. Nga Kushtetuta dhe ligji deputeti vepron në përputhje me besimin që i është dhënë nga qytetarët.