Macron premton investojnë në Kosovë

Presidenti francez Emmanuel Macron ka thënë se “Situata e re gjeopolitike e krijuar nga agresioni rus në Ukrainë, ka bërë që Bashkimi Evropian të forcojë angazhimin e tij politik, ekonomik dhe të sigurisë në Ballkanin Perëndimor. Sipas Macron, kjo është ajo në të cilën është fokusuar gjatë presidencës në Këshillin e Bashkimit Evropian në gjysmën e parë të vitit 2022. Ai gjithashtu përshëndeti solidaritetin e treguar nga Prishtina zyrtare për pritjen e refugjatëve dhe gazetarëve ukrainas dhe theksoi se shumë kompani franceze janë të interesuara të investojnë në Kosovë.

“Inkurajoj Kosovën që të vazhdojë me vendosmëri përpjekjet e ndërmarra për forcimin e sundimit të ligjit, në mënyrë që të lehtësojë integrimin e saj evropian. Për ta bërë këtë, mund të mbështeteni në përkrahjen tonë”, shtoi presidenti francez

Macron e konsideron gjithashtu thelbësore të rifillojnë diskutimet për normalizimin e marrëdhënieve ndërmjet Serbisë dhe Kosovës, i cili është një element qëndror për perspektiven evropiane të të dy vendeve dhe për sigurimin e stabilitetit të rajonit dhe kontinentit evropian.

Ai gjithashtu ka uruar edhe presidenten Vjosa Osmani, për ditën e pavarësisë.