Makina doli nga rruga në Milot-Morinë, ndërron jetë shoferi dhe pasagjeri

Një aksident me vdekje ka ndodhur pak para mesnate (1 prill) në aksin rrugor Milot-Morinë.

Policia bën me dije se një makinë tip ‘Benz’ ka dalë nga rruga dhe si pasojë ka ndërruar jetë shoferi, 50 vjeç dhe pasagjeri, 35-vjeç.

“Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në  Tiranë, ka dalë nga rruga.

Si pasojë ka  humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës”, thuhet në njoftimin e bluve.

Grupi hetimor po punon për zbardhjen e plotë të rrethanave të aksidentit fatal.