Mariza Ikonomi bëhet nënë për herë të parë: Vjen një ditë që Zoti të dhuron botën

Këngëtarja e njohur Mariza Ikonomi është bërë nënë për herë të parë! Lajmin e ka bërë të ditur vetë artistja në një postim në rrjetet sociale, ndërsa ka publikuar edhe foton e parë si mama. Këngëtarja ka publikuar në llogarinë e saj në “Instagram” foton e para me të bijën, e cila siç ajo e tregon vetë, do të mbaj emrin ‘Melody’. Krah fotove me vogëlushen, Melodinë e saj më të bukur të jetës, Mariza ka zbuluar edhe identitetin e njeriut që i ka “vjedhur” zemrën. Mami Mariza dhe babi Blendi janë duke shijuar ditët pranë të voglës së tyre dhe ashtu si dhe vetë këngëtarja e thotë, Zoti i ka dhënë botën në duart e tyre. “Dhe vjen nje dite qe Zoti te dhuron gjithe Boten dhe e vendos ate ne duart e tua. Melodia e jetes e sime! MELODY IKONOMI GREÇO! @blendigreco me dhe gjithe forcen dhe gezimin e kesaj Bote! Te dua”, shkruan Mariza krah fotove me vogëlushen.