Martesë nga halli për Kosovën/ Përplasja Gjermani-Francë për liberalizimin e vizave

Ish-shefi i diplomacies serbe, Vlladisllav Jovanoviq, i pyetur nëse kundërpërgjigja e Gjermanisë ndaj presidentit Macron, a është mesazhi i Berlinit për liberalizimin e vizave një shenjë e divergjencës me Parisin në politikën e tij ndaj Kosovës, tha se “martesa mes Gjermanisë dhe Francës ka qenë e detyruar pas Luftës së Dytë Botërore” dhe theksoi se deri më tani kanë pasur dallime pak a shumë për disa çështje.

“Gjermania ka një interes politik tradicional për të shtypur ndikimin dhe rëndësinë e Serbisë, prandaj ajo po forcon elementë të tjerë. Këtë e bëri gjatë shpërbërjes së Jugosllavisë. Pra mbështetja e tyre për shqiptarët është edhe tradicionale. Tani Gjermania është shumë e interesuar që ndarja e Kosovës nga Serbia të bëhet përfundimtare”, theksoi Jovanoviç.

Ai shpjegoi se Gjermania së bashku me SHBA, është mbështetësja më e madhe e Kosovës, e veçanërisht e Albin Kurtit, gjë që i jep atij shtysë të sillet ashtu siç po bën dhe të mos i përmbahet shumë marrëveshjeve. Gjithsesi përçarjet mes Berlinit dhe Parisit rreth asaj se sa ashpër duhet të zbatohet një qasje ndaj Kurtit, tha ai, nuk do të tronditë seriozisht marrëdhëniet midis Gjermanisë dhe Francës.

“Gjermania dhe Franca kanë pasur dallime. Janë rivalë të mundshëm në Europë dhe jo pak here e kanë pare shtrembër njëri tjetrin. Është një martesë e domosdoshme dhe ata do të përpiqen gjithmonë ta mbajnë nën kontroll rivalitetin, që të mos kalojë kufijtë e lejuar, por herë pas here i lejojnë vetes ato lloj shkëndijash të interesave të tyre. Interesa më të larta i shtyn të qëndrojnë në shtratin bashkëshortor, duan apo nuk duan” – deklaroi Vlladisllav Jovanoviq