Masakra e Dobraçit me 4 viktima, operacion i madh i RENEA-s në Shkodër prej orës 05:00 të mëngjesit

Ka një operacion të madh të RENEA-s që ka nisur prej orës 05.00 në Dobraç të Shkodrës për masakrën me 4 viktima.

Ka pasur kontrolle të shumta por akoma nuk dihet për të arrestuar. Çështja ne fjalë i ka kaluar SPAK për hetime të mëtjeshme

Lajmi ne perditesim…

Pasditen e 30 tetorit 2024 në zonën e Dobraçit persona ende të paidentifikuar qëlluan nga një makinë drejt makinës, tip Benz S-Class, ku po udhëtonte Hamza Lici dhe Arlind Bushati dhe një person i tretë.

Nga të shtënat makina që drejtohej nga Hamza Lici, 23 vjeç humbi kontrollin dhe përplasi motorin ku udhëtonin dy qytetarë të pafajshëm, çifti Flutura dhe Bashkim Basha.

Flutura Basha humbi jetën në vendngjarje. Ndërsa Arlind Bushati humbi jetën, po atë ditë pak orë më pas në spital . Tre ditë më pas vdiq në spital edhe Bashkim Basha. Në makinë me Licin dhe Arlind Bushatin udhëtonte dhe një person i tretë, që dyshohet se është Ibrahim Lici. Ky i fundit ka dalë nga makina i ka dhënë ndihmën e parë viktimave dhe është larguar nga vendi i ngjarjes pasi ka ardhur ambulanca.

Hetimet për masakrën në Dobraç kaluan në duart e SPAK pasi, Prokuroria e Shkodrës shpalli moskompetencë. Pas ngjarjes u gjet një makinë e djegur në zonën Grudë e Re, e cila kishte dy automatik brenda që mendohet të jenë përdorur në atentat.