Connect with us

Shkrime

Mashtruesi inskenon antarësimin e Kosovës

Kosova dorëzoi në mesin e majit të vitit të shkuar aplikimin për anëtarësim në Këshillin e Europës. Që nga atëherë Serbia u zotua se do ta pengojë Kosovën në këtë mision. Por, gjatë kësaj kohe Kosova dhe Serbia arritën një marrëveshje të ndërmjetësuar nga Brukseli, e cila e thekson se Serbia nuk do ta kundërshtojë anëtarësimin e Kosovës në organizatat ndërkombëtare.

Pavarësisht kësaj Serbia s’po e ndal aktivitetin e saj të lobimit kundër anëtarësimit të Kosovës në organizata të tilla të rëndësishme botërore. Ose këtë po e bën sa për të mashtruar opinionin serb.

Ministri i Jashtëm Ivica Daçic,  më 17 prill bëri dramë në mediat serbe se nuk do të shkojë në Strasburg, në përvjetorin e 20-të të pranimit të Serbisë në Këshillin e Europës, nëse Kosova do të pranohet në atë institucion një ditë më vonë.

Por, më pas ai ndryshoi taktikën dhe vendosi që të shkojë në Strasburg, por tha se kishte mision që të ndalojë procedurën e pranimit të Kosovës në KiE.

Gazeta serbe “Danas” raporton se Daçic, teksa morri vesh se tema e anëtarësimit të Kosovës në Këshillin e Europës nuk do të ishte në agjendën e asaj dite në Strasburg, deklaroi se ende po udhëtonte atje për të penguar anëtarësimin e Kosovës në atë institucion evropian. Po shtrohet pyetja – Pse deklarata të tilla të Ministrit të Punëve të Jashtme, duke pasur parasysh se Serbia, vetëm më pak se dy muaj më parë, u pajtua për një marrëveshje ndërkombëtare të paqes?

“Çfarë do të jetë në agjendën e Asamblesë Parlamentare të Këshillit të Europës, përcaktohet nga Komiteti i Ministrave me shumicë të thjeshtë. Kjo do të thotë se Serbia e vetme nuk mund të vendosë për këtë.

“Deklarata e ministrit të Punëve të Jashtme, Ivica Daçic, duket më shumë si një e shtënë pa objektiv, e drejtuar ekskluzivisht për audiencën vendase”, ka thënë për Danas, Sofija Popoviq, gazetare e portalit WEB

Që nga maji i vitit të kaluar, Sofija Popoviq, shpreh keqardhjen që kur Kosova dorëzoi kërkesën për anëtarësim në Këshillin e Europës, kjo çështje nuk ka qenë në agjendën e Asamblesë Parlamentare.

Por, ajo thotë se ky proces lidhet me proceset politike mes Kosovës dhe Serbisë.

“Aplikimi nuk ishte objekt diskutimi as gjatë seancës dimërore në fillim të këtij viti. Në atë kohë, disa zyrtarë perëndimorë sugjeruan gjithashtu se refuzimi për të themeluar Asociacionin mund të çonte në një bllokim në sigurimin e shumicës për anëtarësim në KiE. Siç raportonin mediat atherë, shtetet më të fuqishme të Europës, si Gjermania dhe Franca, ishin kundër vendosjes së kësaj çështje në rend dite dhe këtë e treguan deri diku edhe deklaratat e ambasadorëve të tyre në Kosovë në atë periudhe”, ka thënë Popoviq.

Ajo thotë se Kosovës, por edhe Serbisë, realisht do t’i kërkohet të bëjnë përparim në zbatimin e planit europian, para se të fillojë procedura e anëtarësimit në këtë organizatë ndërkombëtare.

Deklarata e ministrit të Punëve të Jashtme Ivica Daçiç, Popoviqit i duket më shumë si e drejtuar ekskluzivisht për audiencën vendase.

Ajo thekson se deklarata vjen menjëherë para fillimit të pranverës dhe në kohën kur tashmë dihet se anëtarësimi i Kosovës në Këshillin e Europës nuk do të diskutohet.

Sipas saj, kjo nuk është hera e parë që zyrtarët serbë kanë “kërcënuar” një lloj pengimi të punës së Këshillit të europës për shkak të anëtarësimit të Kosovës,  “kërcënime” të cilat, siç e shohim, nuk dhanë fryte”, përfundon Sofija Popoviq.

 

Advertisement