Mbi 10 mijë të vdekur, betejë e ashpër në qytet: Gjithçka po ndodh sot në Gaza

Ushtria izraelite është duke avancuar më në thellësi të Gaza City duke bërë që në zona të caktuara të ketë luftime të ashpra. Më poshtë, rendisim disa për ngjarjeve më të rendëisshme të ditës në Gaza:

Më shumë luftime gjatë natës: Ushtria izraelite thotë se pas 10 orësh luftime, ka marrë një postë të Hamasit në Jabalia, në veri të Gazës. Agjencia palestineze e lajmeve Wafa raportoi se avionët izraelitë kishin bombarduar dhe shkatërruar një shtëpi në zonë. Ndërkohë në jug të Gazës, ministria e brendshme palestineze e drejtuar nga Hamasi thotë se gjashtë persona u vranë në një bombë në Khan Younis.

Pse po ndodh kjo? Izraeli njoftoi më 28 tetor se forcat e tij tokësore do të “zgjeronin operacionet” në Gaza. Ushtria hyri në veri të Gazës dhe që atëherë ushtria e saj thotë se ka “rrethuar qytetin e Gazës”.

Rrugët e evakuimit dhe kufiri i mbyllur: Ndërsa kalimi kufitar Rafah (nga Gaza në Egjipt) është sot i mbyllur, ushtria izraelite ka rihapur një rrugë evakuimi që lejon civilët të lëvizin nga Gaza veriore në jug.

Evakuimi: Qindra palestinezë të plagosur dhe mbajtës të pasaportave të huaja janë lejuar të largohen nga Gaza nëpërmjet Rafah që nga 1 nëntori. Izraeli u ka thënë të gjithë banorëve në veri të Gazës që të ikin në jug për sigurinë e tyre – dhe qindra mijëra tashmë kanë shkuar

Akuzat për krime lufte: Volker Türk, komisioneri i OKB-së për të drejtat e njeriut, mbrëmë tha se Izraeli dhe Hamasi kanë kryer krime lufte. Ai përmendi mbajtjen e vazhdueshme të pengjeve nga Hamas dhe “ndëshkimin kolektiv” të palestinezëve nga Izraeli.

Rregullat e luftës, të cilat janë të përcaktuara në Konventat e Gjenevës, ndalojnë marrjen e pengjeve dhe thonë se vendet e përfshira në konflikt “nuk mund të deportojnë ose transferojnë me forcë popullsinë civile të një territori të pushtuar”.

Një paralajmërim tjetër për një luftë më të gjerë në Lindjen e Mesme: I dyti në komandën e Hezbollahut – milicia e fuqishme e mbështetur nga Irani me bazë në Liban – ka paralajmëruar sërish se vrasja e civilëve nga Izraeli në Gaza rrezikon të shkaktojë përhapjen e konfliktit në vendet përreth. “Rreziku është real,” i tha ai Orla Guerin të BBC-së.

Ministria e shëndetësisë e drejtuar nga Hamasi në Gaza thotë se më shumë se 10,500 njerëz janë vrarë tani që kur Izraeli filloi sulmet e tij hakmarrëse. Izraeli filloi fushatën e tij pas një sulmi të Hamasit muajin e kaluar, ku u vranë 1,400 njerëz dhe më shumë se 200 u morën peng.