Me çështjen e Kosovës, Britania e Madhe po rikthehet në Rajon

Srđan Graovac, analist në Qendrën për Stabilitet Social, thotë se Britania e Madhe po prin në pozicionin që duhet të mbështesë hapur kryeministrin e Kosovës Albin Kurti dhe politikat që ai udhëheq, dhe se në anën tjetër, ajo duhet të mbajë një qëndrim të vendosur dhe të ashpër ndaj Beogradit.

Graovac, duke komentuar nëse fakti që i dërguari i Londrës për Ballkanin Perëndimor, Stuart Pich, ishte i vetmi emisar i vendeve të Quinte që ishte në Beograd dhe Prishtinë javën e kaluar, nuk ishte një shenjë se ka dallime midis këtyre vendeve kur bëhet fjalë për politikën ndaj Kosovës dhe kryeministrit Albin Kurti, tha se fuqitë e mëdha perëndimore kanë pak a shumë të njëjtat qëndrime për këtë çështje, por se ka një dallim të dukshëm në stilin e qasjes.

“Politika britanike nuk ndryshon nga politika e SHBA-ve dhe e kujtdo tjeter ne rrethin e vendeve perendimore. Megjithatë, ka nuanca mes këtyre vendeve. Ka nuanca edhe te vetë amerikanët kur është fjala për Kosovën.  Janë ata që qartazi mbajnë anën e Albin Kurtit, skifterët në establishmentin amerikan. Janë edhe ata që janë të gatshëm ta kritikojnë dhe të vënë në dukje gabimet politike që bën kryeministri i Kosovës” –  theksoni Graovac.

Ai theksoi gjithashtu se Britania ka edhe një detyrë tjetër të rëndësishme kur flasim për Kosovën dhe rajonin. Përkatësisht që pas daljes nga BE-ja, ata duan të luajnë një rol më domethënës në marrëdhëniet ndërkombëtare.

“Britania derisa ishte anëtare e BE-së, përmes institucioneve në Bruksel, u përpoq të realizonte interesat e saj në këto fusha, dhe pas daljes nga Unioni, ata duan të kthehen në Ballkan, prandaj edhe kanë dërguari emisarti e tyre special” – theksoi analisti serb.