Meloni del kundër Trump: Nëse presidenti sulmon Groenlandën, ne nuk do ta mbështesim

Kryeministrja italiane Giorgia Meloni u shpreh sot se nuk besonte se Shtetet e Bashkuara do të sulmojnë Groenlandën, por se “metodat e tyre të vendosura” kishin për qëllim të dekurajonin ndërhyrjen nga vendet e tjera.

Meloni deklaroi se NATO duhet të përqendrohet më shumë në rajonin e Arktikut dhe të sigurojë një “prani të konsiderueshme” të aleatëve për të ruajtur sigurinë dhe për të mbajtur larg vendet armiqësore.

Udhëheqësi i ekstremit të djathtë dhe aleati i Donald Trump është shpesh një përjashtim në Evropë për mbrojtjen e pozicioneve të presidentit amerikan, i cili ka ofruar të blejë Groenlandën dhe ka refuzuar të përjashtojë veprimin ushtarak kundër territorit arktik të sunduar nga Danimarka.

“Unë ende nuk besoj në hipotezën se Shtetet e Bashkuara do të ndërmarrin veprime ushtarake për të marrë kontrollin e Grenlandës, një opsion me të cilin unë qartësisht nuk do të pajtohesha”, u tha Meloni gazetarëve.

Një opsion i tillë nuk do të ishte “në interesin e askujt, madje as në interesin e Shteteve të Bashkuara të Amerikës”.

“Mendoj se administrata Trump, me metodat e saj disi të vendosura, shumë të vendosura, po përqendrohet mbi të gjitha në rëndësinë strategjike të Groenlandës dhe rajonit të Arktikut në përgjithësi për interesat dhe sigurinë e saj”, tha Meloni.

“Unë vazhdoj të besoj se mesazhi që SHBA-të duan të dërgojnë është se nuk do të pranojnë ndërhyrje të tepërta nga aktorë të tjerë të huaj në një zonë kaq strategjike për sigurinë dhe interesat e tyre”, tha ajo