Messi ‘sundon’ Amerikën, dhuron spektakël duke shënuar 5 gola

Dyshimet se zgjodhi Amerikën vetëm për paratë dhe për të dalë në pension, Lionel Mesi i ka hedhur shpejt poshtë. Dhe e ka bërë këtë në mënyrën e tij, me gola dhe spektakël.

“Pleshtit” i janë dashur vetëm tre ndeshje për të magjepsur tifozët e Inter Majemi, por jo vetëm, duke gjetur edhe dy herë të tjera rrugën e rrjetës.Kampioni i botës ndihmoi skuadrën e tij në fitoren 3-1 kundër Orlandos, duke shënuar golin e epërisë që në minutën e shtatë.

Messi realizoi edhe pas pushimit, duke vulosur triumfin e formacionit nga Florida.Pas tre ndeshjeve të para në aventurën e tij amerikane, sulmuesi argjentinas numëron 5 gola, ndërsa ka dhënë edhe 2 asist për shokët e tij të skuadrës.

Shifra marramendëse që nëse i shtohen edhe magjitë që dhuron me topin, mund të thuhet pa asnjë dyshim se Lionel Mesi ka pushtuar shumë shpejt edhe futbollin në Shtetet e Bashkuara të Amerikës.