Meta takon kryekuvendarin e Maqedonisë së Veriut Xhaferin

Presidenti Ilir Meta, u prit sot në një takim nga Kryetari i Kuvendit të Maqedonisë së Veriut Talat Xhaferi. Meta në takimin me Xhaferin nënvizoi rëndësinë e thellimit të mëtejshëm, në të gjitha fushat, të marrëdhënieve të fqinjësisë së mirë mes vendeve tona, veçanërisht të bashkëpunimit ndërparlamentar, duke theksuar nevojën e ngritjes sa më parë, edhe nga ana e Kuvendit të Shqipërisë, të Grupit Parlamentar të Miqësisë, që do t’i jepte impulse të reja ndërveprimit parlamentar.