Milani dhe Atalanta kërkojnë përmbysjen, Bayern e Benfica me ‘një këmbë’ në 1/8! Rikthehen sot emocionet e Champions League

Melodia e Champions League do luhet këtë mbrëmje (18 shkurt) në katër stadiume evropiane. Për ndeshjet e kthimit në fazën play-off do mësohen katër skuadrat e para që do jenë pjesë e 1/8-ave, teksa katër të tjerat do mësohen nesër.

Gjithçka nis në orën 18:45 në “San Siro”, me Milanin që pret Feyenoord. Një javë më parë në Rotterdam ishin vendasit që fituan 1-0 dhe holandezët janë me një gol epërsi në Milano. Të besuarit e Sergio Conceiçaos do duhet që minimalisht në 90 minuta të shënojnë një gol për ta dërguar ndeshjen me shtesë, nëse nuk duan që “lumi” i kritikave të përfshijë ambientin.

Në orën 21:00 luhen tre ndeshjet e radhës. Në Bergamo Atalanta e Berat Gjimshitit duhet të përmbysë humbjen 2-1 me Club Brugge, ndërkohë që Bayer pret në Munich me epërsinë e një goli Celtic. Edhe në Lisbonë ‘Shqiponjat’ e Benficës janë në avantazh të po një goli kundër Monacos.

Champions League, faza play-off:

E martë, 18 shkurt 2025 – ndeshjet e kthimit

18:45 Milan – Feyenoord (0-1)

21:00

Atalanta – Club Brugge (1-2)

Bayern Munich – Celtic (2-1)

Benfica – Monaco (1-0)

*Në kllapa rezultatet e ndeshjeve të para