Ministri izraelit i Financave shokon botën: Pasuritë e Gazës mbulojnë shpenzimet e luftës

Ministri izraelit i Financave, Bezalel Smotrich, tha se Rripi i Gazës është një “minierë ari e pasurive të patundshme” dhe se ai është në bisedime me amerikanët se si ta ndajë atë pas luftës.

Gaza ka “një bollëk pasurish të patundshme” që “mbushin shpenzimet e veta” dhe ai “ka filluar tashmë negociatat me amerikanët”, tha ministri i ekstremit të djathtë në një konferencë për pasuri të patundshme në Tel Aviv.

“Ne kemi investuar shumë para në këtë luftë. Duhet të shohim se si do ta shpërndajmë tokën”, tha Smotrich, duke shtuar se “ne tashmë e kemi bërë prishjen, fazën e parë të rinovimit të qytetit. Tani na mbetet vetëm të ndërtojmë”.