Minuta e 90-të, Vuçiç pajtohet me humbjen e Kosovës/ Shkrimi i publicistit serb në Al Jazeera

Publicisti serb, Nenad Kulaçin e ka shkruar një opinion në Al-Jazeera në gjuhën serbe, ku ka argumentuar se si presidenti serb, Aleksandar Vuçiq “është pajtuar me humbjen e Kosovës”.

“Nëntëdhjetë minuta pas nisjes së avionit presidencial francez francez nga pista e aeroportit Nikola Tesla në Beograd, forcat speciale të Kosovës bastisën ato pak institucione serbe që kishin mbetur në veri”- Kështu e nis shkrimin e tij Kulaçin, duke përshkruar se si Vuçiqi u nis po atë ditë për në Pragë.

“Të gjithë, me në krye me Vuçiqin, sikur jane pajtuar me faktin se Kosova eshte e humbur” – ka shkruar Kulacin, duke theksuar se Vuçiqi “i është dorëzuar Prishtinës dhe “me të drejtë shtrohet pyetja nëse Serbia ka ende çfarë t’i dorëzojë Kosovës”.

“Që prej ardhjes së Vuçiqit në pushtet, serbët e kanë humbur në mënyrë të njëpasnjëshme juridiksionin pjesë-pjesë dhe ia kanë dorëzuar autoriteteve në Kosovë. Së pari, me Marrëveshjen e Brukselit të vitit 2013, Beogradi ia dorëzoi Prishtinës vetëqeverisjen lokale, e cila që atëherë është zgjedhur në përputhje me ligjet e Kosovës. Në atë pako është pranuar policia e Kosovës. E gjithë pjesa veriore e Kosovës, duke përfshirë enklavat me shumicë serbe, hynë nën sistemin gjyqësor të Kosovës. Gjithçka që ish-presidenti i Serbisë Boris Tadiq nuk ka dashur ta pranojë, Vuçiq e ka pranuar me nënshkrimin e kryeministrit të atëhershëm Ivica Daçiq dhe mbi të gjitha – tërheqjen e strukturave paralele serbe nga Kosova” – ka potencuar Kulacin, duke potencuar se “Vuçiq arriti t’i portretizojë të gjitha këto si fitore të politikës së tij”.