“Mollë sherri” për krimin në familje/ Motra e Asim Gjonit: E kapi babin në organin gjenital

Drama në familjen Gjoni nuk ka përfunduar! Brunilda Gjoni, ka rrëfyer ngjarjen e rëndë të ndodhur mbrëmjen e 1 shkurtit në Tiranë, ku i ati, Hekuran Gjoni qëlloi me thikë të birin, Asim Gjonin i cili fatkeqësisht humbi jetën. Ajo ka hedhur poshtë të gjithë aludimet se shkak i kësaj ngjarje e cila përfundoi në një vrasje ka qenë kërkesa e saj për t’i marrë pasurinë e babit vëllezërve. Brunilda ka treguar një version tjetër të ngjarjese dhe tha se prej vitesh vëllezërit e saj kanë qenë në konflikt me njëri-tjetrin dhe se kanë qenë të përgatitur për një tragjedi.

Ajo rrëfen se ditën e ngjarjes të dy si i ati ashtu edhe i vëllai kanë qenë të dehur. Sipas saj gjithçka filloi nga i ndjeri Asim Gjoni gjatë momentit që po hanin. Motra rrëfen se i vëllai kapi në organin gjenital të atin dhe e akuzoi për tradhti, më pas Hekuran Gjoni e ka gjuajtur me shpullë. Brunilda ka ndërhyrë ti ndajë, por i vëllai e ka shtyrë me forcë dhe ajo ka lajmëruar vëllanë tjetër Valentnin. Në momentin që janë kthyer, sipas saj, i ati e kishte goditur me thikën e bukës që ndodhej në tavolinë.

“Në mos njëri tjetri do bëhej një vrasje në atë shtëpi. Të gjithë kanë kontribuar në atë shtëpi. Pasuria është ndarë dhe shtëpia është në emrin e Asimit. Mesa di unë kati i parë është në emër të Asimit. Mua s’më ka interesuar pasuria e babit. I kam thënë babit lere shtëpinë dhe hajde me mua jashtë shtetit. Tre vëllezërit pinë shumë dhe kurrë nuk kanë shkuar mirë me njëri tjetrin. Kam shkuar te babi, unë nuk e di pse më kanë marrë inat. Sa jam ndarë, kurrë vëllezërve dhe babit tim nuk ua kam pasur ndihmën. Se di pse vëllezërit mendojnë që unë dua tu marr pasurinë. Asnjëherë nuk i kam thënë babit ma hidh mua shtëpinë. S’më kanë telefonuar, më kanë kërcënuar dhe më kanë thënë mos hajde në këtë lagje. E kur të dalësh nga spitali mos hajde këtu te babi se po erdhe je e vrarë. Unë vetëm ndërhyrja për të ndarë babain dhe vëllain. Ishim duke ngrënë bukë unë babi dhe mami. Vjen Asimi në atë moment por e pashë që kishte pirë shumë, edhe babi kishte pirë shumë dhe ky filloi duke ngacmuar babin me fjalë të rënda, ti ke pasur dashnore këtë, babi nuk po i bënte shamatë i tha vetëm ha bukë dhe ik në shpi tënde. Ndërkohë e kapi babin, e po i ‘thoshte shife-shife sa i ka, marshallah’. E kapte babin në vend intime dhe babi i ra me shpullë i tha o maskara është vajza këtu ke motrën afër. Ky pse i ra babi me shpullë u ngrit Asimi ‘kë kap kë gjun me shpullë po unë të vras për dy sekonda. E kapi për fyti dhe nuk po e lëshonte. Betohem në Zot i thashë mos Asim se është i vjetër, nesër mund të ta bëjmë fëmijët e tu këtë. Ky lëshon babin dhe më përplas dhe mi ka thyer tre brinjë pasi më ka përplasur mua e ka kapur babin për fyti, në atë moment kur jam ngritur unë kam shkuar te vëllai lart dhe i kam thënë Valentin hajde se po zihen babi me Asimin. Erdhi Valentini kur pamë babi ia kishte ngulur thikën. Thika ndodhej në tavolinë siç premë bukën. Unë nuk kam lidhje me Asimin, vetë e filluan sherrin. Në atë shpi njëherë vrasja do bëhej. Ata kurrë në jetë nuk kanë pasur lumturi. Ato kanë qenë gjithmonë, mendjen e kanë pasur të pinë,”-u shpreh ajo.

Ndër të tjera, ajo ka kërkuar ndihmë nga shteti pasi familjarët e saj po e kërcënojnë.

“Unë nga shteti kërkoj mbrojtje. Sepse kam frikë të dal edhe nga spitali. Skam ku shkoj dhe ku rri. kërkoj mbrojtje më kanë thënë që “Nëse flet kundra familjes ti e gjallë nuk do të jesh në Shqipëri”. (Qan) Kam frikë, familja më ktheu kurrizin, hyra për ti ndarë. Po tregoj të drejtën siç është. Brunildës nuk i ka interesuar pasuria e babit, prindërit doja ti largoja nga aty. Pse të më marrin inat, as 5 lekë nuk i kam marrë. Pse të më telefonojnë e të më thonë “mos u duk në këtë lagje se je e vrarë” Për çfarë kam e vrarë? S’kam bërë krim. Jeta ime është në rrezik. Akoma s’po marr veten. Jam në spital dhe askush nuk është interesuar të vijë, nuk u kam bërë gjë”, tha Brunilda Gjoni.

Ndërkohë vëllai dhe bashkëshortja e 37-vjeçarit Asim Gjoni, i cili u vra me thikë nga babai i tij, Hekuran Gjoni, deklaruan se shkak për sherrin është motra Brunilda Gjoni, e cila kërkonte gjysmën e shtëpisë.

Hekuran Gjoni, 74 vjeç e qëlloi të birin me thikë pas një sherri. 37-vjeçari u dërgua në spital, por ndërroi jetë si pasojë e plagëve të marra. Asim Gjoni ishte baba i dy fëmijëve. Ai jetonte në një banesë me të atin në zonën e njohur si “Kodra e Priftit” në Tiranë dhe për rrjedhojë, dëshmitarë të krimit janë bërë edhe familjarët e tjerë. Gjykata e Tiranës ka caktuar masën e sigurisë “arrest në burg” për 74-vjeçarin Hekuran Gjoni.