Mos e provokoni Vuçiçin/ Shqetësimi i BE-së nga frika e luftës

Florian Bieber, politolog dhe profesor i Universitetit të Grazit, ekspert për Ballkanin, duke folur për çshtjen e ndalimit të dinarit në Kosovë, ka deklaruar se “Presioni I Perendimit për shtyrjen e vendimit te BQK-së, nuk është plotësisht i arsyeshëm.

“Dua të them, bazohet në logjikën e mos përpjekjes për të përshkallëzuar tensionet. Dhe mendoj se përsëri kemi një situatë ku Albin Kurti jo gjithmonë i koordinon hapat e tij sa duhet me BE-në dhe SHBA-në. Dhe kjo krijon njëfarë befasie dhe gjithashtu skepticizëm nga partnerët e tij. Por në një farë mënyre, duket se për momentin shqetësimi perëndimor është më shumë te mos provokimi i Aleksander Vuçicit, sesa te trajtimi apo pranimi i vendimeve që përndryshe mund të justifikohen” – deklaroi Bieber

I pyetur se ai ai e vlerëson gjendjen aktuale të sigurisë në Ballkanin Perëndimor dhe cilat janë kërcënimet kryesore për stabilitetin e këtij rajoni, politologu u shpreh” – “Në shkallë më të gjerë, në rajon, sigurisht që ka shqetësime të vazhdueshme për sigurinë në Kosovë. Ekziston gjithashtu lloji i paqëndrueshmërisë politike që kemi parë në Bosnje, e cila është përkeqësuar. Unë mendoj se nuk po flasim për një rrezik sigurie atje, por sigurisht për diçka që po përkeqësohet më tej dhe mund të ketë një implikim sigurie në një moment. Dhe pastaj ne kemi një qeveri serbe e cila është vënë gjithnjë e më shumë nën presion për shkak të rezultateve të zgjedhjeve dhe mendoj se një qeveri e cila është nën presion dhe qe ka frikë se mund të humbasë mbështetjen popullore, është në rrezik të përdorë ndikimin e saj brenda vendit dhe ne vendet fqinje për të krijuar telashe. Kështu që unë mendoj se po jetojmë potencialisht në një mjedis që është më i rrezikshëm se më parë, veçanërisht teksa dhe ka ndryshime në mjedisin global të sigurisë ndërkombëtare. Dhe këtu po mendoj për pasojat pas zgjedhjeve në SHBA në nëntor, të cilat mund të kenë ndikime shumë negative për Ballkanin Perëndimor. Kështu për shembull, kur u shfaqën protesta pas parregullsive zgjedhore në dhjetor, Vuçic pranoi menjëherë targat në një mënyrë për ta hequr qafe Bashkimit Evropian për çështjet e brendshme.

Pra, ai nuk ka asnjë arsye për ta zgjidhur plotësisht problemin me Kosovën, sepse nuk do të marrë një çmim Nobel për këtë. Dhe, ju e dini, pasi ai të zgjidhë çështjen me Kosovën, atëherë do të ketë më shumë vëmendje për çështje të tjera te brendshme” – potencoi Bieber

Lidhur me dëshiren dhe aspiratat e Kosoves per tu bere pjese e NATO-s, ekspert për Ballkanin deklaroi: –

“Në përgjithësi, sigurisht që bashkëpunimi më i madh ndërmjet NATO-s dhe Kosovës mund të sjellë më shumë stabilitet dhe siguri. Por është shumë e rëndësishme të kihet parasysh se ombrella kryesore e sigurisë për Kosovën është KFOR-i, i cili është pjesë e pranisë së sigurisë së NATO-s në Ballkanin Perëndimor dhe në Kosovë në veçanti. Dhe fatkeqësisht, çdo garanci më e fortë e sigurisë në kuadrin e anëtarësimit në NATO është shumë e vështirë për shkak të mungesës së njohjes nga katër shtete anëtare të Aleances. Megjithatë, unë do të thosha se do të ishte e pakuptimtë që NATO  të mos jepte një garanci ekuivalente për Kosovën përmes pranisë së saj me KFOR-in”

I pyetur a do të ndryshonte kjo qasje e SHBA-së, nëse Donald Trump do të rizgjidhej president, Bieber potencoi: –

“Sigurisht, testi kyç do të vijë në nëntor kur të zhvillohen zgjedhjet amerikane. Dhe në rast se Donald Trump fiton, duhet të shqetësohemi nëse garancitë e sigurisë të NATO-s do të funksionojnë ende në aspektin e angazhimit të SHBA-së. Dhe kjo, natyrisht, ngre shqetësime serioze, jo vetëm për Kosovën, por edhe për shtetet e tjera, anëtare të NATO-s. Pra, kjo është me të vërtetë sfida kryesore. Dhe atje, mendoj se Kosova do të ishte e këshilluar mirë për të ndjekur një strategji sigurie e cila nuk mbështetet vetëm në Shtetet e Bashkuara, por gjithashtu siguron që të ketë një angazhim shumë të fortë të sigurisë nga shtetet kyçe të BE-së përmes NATO-s”.