Moskë – Republikat Baltike/ Fund i marrëdhënieve diplomatike

Fqinjë që shohin shtrembër njëri-tjetrin. Ishte e vështirë të imagjinohej se një ditë çdo gjë do të kthehej si ishte më parë. Marrëdhëniet diplomatike midis republikave baltike dhe Moskës janë në minimum. Në orët e fundit, në prag të 11 muajve të luftës së sotme, Moska ka dëbuar ambasadorin e Estonisë, dhe kryeqyteti Talin shumë shpejt ka bërë të njëjtën gjë. Diplomatët rusë po largohen nga vendi, i parafundit nga tre republikat baltike në të cilat ata kishin ende përfaqësim. Disa orë më vonë, në shenjë solidariteti, Letonia urdhëroi gjithashtu ambasadorin rus të largohej nga vendi, ndërsa Lituania kishte dërguar njoftimin e dëbimit që kur lufta në Ukrainë sapo kishte filluar, në prill të vitit të kaluar.

Në orët në të cilat bota perëndimore po përgatitet të dërgojë armë të rënda në Kiev nën presionin e presidentit ukrainas Zelensky, Moska po pastron aleancat në gjeografinë e ndryshueshme të marrëdhënieve ndërkombëtare.

Kështu ministri i Jashtëm rus Serguei Lavrov u takua me homologun e tij në Pretoria, Afrika e Jugut.