Shqipëria voton/ Vranësira dhe reshje shiu këtë të diel

Moti do jetë me vranësira dhe reshje shiu gjatë gjithë ditës së sotme. Temperaturat minimale do të luhaten nga 8°C deri në 27°C.

Sipas MeteoAlb, vendi do të ndodhet nën ndikimin e masave ajrore të ngrohta dhe të lagështa me origjinë oqeanike, duke bërë që vranësirat e shpeshta të jenë prezente duke sjellë herë pas herë reshje të pakta dhe të izoluara, por nuk mungojnë gjithashtu edhe intervalet me kthjellime ku më të theksuara kthjellimet paraqiten në Ultësirën Perëndimore.

Orët e vona të mbrëmjes do të sjellin shtim të vranësirave dhe reshje të shumta shiu ku më të dukshme do të jenë në zonat veriore dhe veriperëndimore të shqipërisë.