Mungojnë vetëm dy emra për 16-shen

Ndeshjet e djeshme në Ligën e Kampioneve u kanë dhënë fund sfidave në katër grupe dhe kanë dhuruar një tablo pak më të qartë për turneun sa i përket fazës me eliminim direkt të tij. Tashmë janë zbuluar 14 nga 16 skuadrat që vazhdojnë më tej, teksa kanë mbetur për t’u njohur vetëm ekipet në grupet E dhe F që do të shoqërojnë Çelsin dhe Realin.

Napoli, Porto, Bajern Mynih, Totenhem, Çelsi dhe Mançester Siti janë fituese të grupeve përkatëse dhe do të jenë në vazon e parë në short.

Liverpuli, Klub Bryzh, Inter, Ajntraht Frankfurt dhe Borusia Dortmund janë në vendin e dytë në grupin përkatës dhe do të jenë në vazon e dytë në short.

Ndërkohë Real Madrid, PSG dhe Benfika kanë siguruar kualifikimin, por vetëm ndeshjet e të mërkurës do të tregojnë se në cilën vazo do të jenë në short.

Rregullorja e shortit në këtë tur përcakton që skuadrat nuk mund të përballen me ekipe nga vendi i tyre apo me ekipin me të cilin kanë qenë në të njëjtin grup kualifikues. Shorti do të hidhet më datë 7 nëntor në Nion të Zvicrës dhe ndeshjet do të luhen në muajt shkurt dhe mars 2023.