“Na ka lënë të shkatërruar”, prindërit e Martin Canit kërkojnë ndihmën e shqiptarëve

Familja Cani kërkon ndihmë! Pas ngjarjes së rëndë të 18 nëntorit, kur 14-vjeçari Martin Cani u vra në një sulm me thikë nga bashkëmoshatari i tij, Mario Përlleshi, familja kërkon ndihmën e shqiptarëve.Për të përballuar shpenzimet e varrimit dhe mbështetjen psikologjike për familjen, është hapur një fushatë GoFundMe nga prindërit e Martinit, Florina dhe Angel Cani. Në mesazhin e tyre në faqen e llogarisë, familja shpjegon se po përballet me sfida të tjera, veç humbjes së 14-vjeçarit. Një nga vështirësitë është vëllai i vogël i Martin, Henry, i cili është diagnostikuar me autizëm dhe kërkon gjithnjë kujdes të specializuar.

“Po përjetojmë një dhimbje të paimagjinueshme dhe jemi të detyruar të përballemi me vështirësi të mëdha financiare. Çdo ndihmë, sado e vogël, do të lehtësojë sadopak këtë barrë,”- shkruajnë prindërit në apelin e tyre.

Për të kontribuuar KLIKO KËTU

MESAZHI I PLOTË:

Familja Cani është thellësisht e pikëlluar për të ndarë humbjen shkatërruese të djalit të tyre 14-vjeçar, Martin Cani, i cili humbi jetën tragjikisht në një akt të pakuptimtë dhune. Martin u godit për vdekje me thikë në një incident në shkollë që na ka lënë të shkatërruar. Martin nuk ishte vetëm një djalë dhe vëlla; ai ishte një rreze shprese dhe gëzimi për të gjithë ata që e njihnin. Gjithashtu, Martin ishte një futbollist i ri shumë premtues. Ai lë pas një familje të pikëlluar, duke përfshirë vëllanë e tij më të vogël, Henryn, i cili përballet me sfida të tjera si pasojë e Autizmit.

Përveç përballjes me këtë dhimbje të paimagjinueshme, po përballemi me sfida të mëdha për të siguruar mbështetje psikologjike dhe kujdes mjekësor të specializuar për Henryn. Po kërkojmë mbështetjen tuaj gjatë kësaj kohe tepër të vështirë. Çdo kontribut, sado i vogël, do të ndihmojë në lehtësimin e kësaj barre. Nëse nuk mund të kontribuoni, ju lutemi shpërndani historinë tonë në Facebook dhe Instagram për të ndihmuar që të arrijmë te të tjerët. Ju falënderojmë për mirësinë dhe dhembshurinë tuaj ndërsa përballemi me këtë tragjedi.

Me respekt, Florina dhe Angel Cani

PS: Unë jam nusja e xhaxhait te Martin Canit dhe e krijova këtë GoFundMe sepse shumë shqiptarë nga e gjithë bota, si dhe miq dhe familjarë, janë interesuar duke pyetur se si mund ti vijne ne ndihme familjes sadopak, sidomos vellait te tij te vogel.

Perzemersisht, Aida Cani

Çfarë dihet deri tani për vrasjen e Martin Canit?

Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Përlleshaj. Sherri mes të miturve kishte nisur që të premten. Të hënën ishin riparë dhe ishin zënë gjatë orarit të pushimit të gjatë në oborrin e shkollës. Pas përfundimit të mësimit, të dy kishin mbledhur shokët për t’u përballur, por situata ka agravuar në përdorimin e thikës. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. Ndërsa shoku i tij, Luis Meçe, mori 4 goditje me thikë, por fatmirësisht është jashtë rrezikut për jetën dhe ka lënë spitalin. Autori gjithashtu mbeti i plagosur në dorë, por kjo nuk e pengoi që pak çaste pas krimit të rëndë autori të pozonte për “Snapchat”. Sipas Policisë, fotoja i është bërë nga një shok i papërfshirë në përplasje teksa ishin duke shkuar me taksi për në spital. Tashmë, ai është shoqëruar në institucionin për të miturit në Kavajë, në pritje të verdiktit për dënimin e tij.