NATO s’bën dallim: Rutte: Do punojmë me këdo që do ta udhëheqë Kosovën

Sekretari i përgjithshëm i NATO-s, Mark Rutte, ka thënë se pret që pas zgjedhjeve në Kosovë, të ketë një Qeveri stabile dhe se NATO do punojë me këdo që do ta qeverise vendin.

“Nisur nga rezultatet paraprake, procesi I zgjedhjeve ka qene demokratik dhe duket se do të ketë një qeveri të koalicionit”, ka deklaruar Rutte duke theksuar se Organizata kerkon nje Qeveri stabile sa më parë që të jetë e mundur.

Në bazë të 99 për qind të votave të numëruara, Lëvizja Vetëvendosje e kryeministrit Albin Kurti mori më së shumti vota në zgjedhjet parlamentare të 9 shkurtit, përkatësisht 47 nga 120 vendet parlamentare – megjithatë, jo mjaftueshëm për të formuar qeverinë e vetme.

Sipas rezultateve preliminare, Partia Demokratike e Kosovës pritet t’i ketë 25 deputetë, Lidhja Demokratike e Kosovës 20 dhe koalicioni i mbledhur rreth Aleancës për Ardhmërinë e Kosovës 8 deputetë.