Ndikimi i Beogradit në veri të Kosovës/ Reagon eurodeputeti austriak

Eurodeputeti austriak, Lukas Mandl, ka thënë se është i shqetësuar me ndikimin që Serbia ushtron në veri të Kosovës.

Ai ka përmendur faktin që Lista Serbe nuk ka garuar në zgjedhjet e veriut, duke thënë se ky subjekt politik është i ndikuar nga Beogradi.

“Zgjedhjet janë të rëndësishme. Për këdo që dëshiron të jetojë në mënyrë paqësore me të gjithë të tjerët dhe të jetojë mirë, duhet të përfshihet në zgjedhje, si qytetar dhe si votues duhet ta përdorë të drejtën”, deklaroi eurodeputeti austriak, duke shtuar se eshte shumë i brengosur që jane përpjekur nga jashtë për t’i sulmuar këto zgjedhje në komunat veriore të Kosovës.

Ai ka shtuar edhe se njerëzit që dëshirojnë të jenë pjesë e jetës publike dhe që dëshirojnë të kontribuojnë, nuk kanë kandiduar në zgjedhje për shkak të ndikimit nga Beogradi.