Në lojë një emisar i ri i BE’së për dialogun Kosovë-Serbi/ Detaje nga gazeta finlandeze

“Emri i deputetit të Partisë së Gjelbër dhe ish-ministrit të jashtëm, Pekka Haavisto, është përmendur si kandidat i mundshëm për te qene emisar i ri special i BE-së për dialogun mes Kosovës dhe Serbisë dhe për çështje të tjera rajonale në Ballkanin Perëndimor: – keshtu ka raportuar media finlandeze

Sipas informacioneve të ‘Helsingin Sanomat’, Finlanda është e gatshme ta promovojë Haaviston për këtë detyrë.

Haavisto më parë ka shërbyer si përfaqësues special i BE-së për Sudanin, lidhur me negociatat për marrëveshjen e paqes në Darfur. Në Ballkan, ai ka punuar për Programin e Mjedisit të Kombeve të Bashkuara, Unep.

66 vjeçari ka garuar në zgjedhjet e sivjetme presidenciale, por është mundur nga rivali Alexander Stubb, që tashmë është në krye të shtetit finlandez.

‘Helsingin Sanomat’ rikujton se emri i Haavisto është përmendur tashmë në media si një nga kandidatët e mundshëm së bashku me diplomatin danez Peter Sørensen, I cili ka punuar si përfaqësues special i BE-së në Bosnje dhe Hercegovinë. Ish-presidenti i Sllovenisë, Borut Pahor, po ashtu ka shfaqur gatishmërinë e tij për ta marrë këtë detyrë