Në mbështetje të Berishës, Noka sulmon SPAK: Kjo është një ngrehinë kriminale

Flamur Noka është një nga deputetët që po mbështet Sali Berishën jashtë godinës së SPAK, teksa ish-kryeministri përballet për herë të parë me drejtësinë për aferën Partizani.

Në një prononcim, Noka sulmoi Prokurorinë e Posaçme Antikorrupsion, ndërsa cilësoi të paligjshëm vendimin për të mos lejuar Berishën të marrë pjesë në seancat plenare.

“Kjo është një ngrehinë kriminale. Çfarë lidhje ka vajtja e tij në parlament me dosjen Partizani. Me një urdhër politik, kriminelët e SKAP-it po mbajnë jashtë detyrave një deputet. Këtu ka një regjim kriminal të narkotrafikantëve që ka qëllim të zhdukë pluralizmin dhe demokracinë”, tha Noka.