Në pranga mbi 230 persona/ Mediat e huaja: Shqipëria, qendër e prodhimit të marijuanës

Operacioni policor “Tempulli”, hetimet e të cilit zgjatën për disa muaj rresht çuan në goditjen e 23 grupeve kriminale dhe në arrestimin e mbi 230 personave. Megaopericoni kundër trafikimit të drogës në shkolla dhe në ambjente të ndryshme ka tërhqur edhe vëmendjen e disa mediave të huaja si Daily Mail, Associated Press dhe ABC News.

Ata kanë shkruar për operacionin antidrogë i cili u shtri në gjithë vendin, kryesisht në qytetet e Tiranës, Vlorës ,Beratit, Korcës, Durrësit dhe Elbasanit. Mediat jashtë kufijve kanë shkruar gjithashtu  se Shqipëria kishte pasur prej kohësh një reputacion si rruga kryesore evropiane e trafikut të drogës.

“Shqipëria, e cila ka një vijë bregdetare të Detit Adriatik dhe kufij tokësorë me Greqinë, Kosovën, Malin e Zi dhe Maqedoninë e Veriut, ka pasur prej kohësh një reputacion si rruga kryesore evropiane e trafikut të drogës. Për një kohë të gjatë, ajo u konsiderua gjithashtu si një qendër e prodhimit të marijuanës.”, shkruhej në artikull.

Ata shkruan edhe për deklaratën e Drejtorit të Policisë, Muhamet Rrumbullaku, i cili kishte thënë se rreth 1500 persona ishin akuzuar për trafik droge për këtë vit.

“Pas ardhjes në pushtet në vitin 2013, qeveria e majtë e Partisë Socialiste e kryeministrit Edi Rama vuri si synim shkatërrimin e bimëve të kanabisit. Gjatë dy viteve të ardhshme, ajo shkatërroi miliona bimë kanabisi me një vlerë tregu prej 7 miliardë eurosh (8.5 miliardë dollarë), më shumë se dy të tretat e prodhimit të brendshëm bruto vjetor të vendit në atë kohë. Drejtori i Policisë së Shtetit Muhamet Rrumbullaku tha të enjten se rreth 1500 persona janë akuzuar për trafik droge deri më tani këtë vit dhe janë sekuestruar qindra mijëra bimë kanabisi”, shkruhet në artikujt e mediave ndërkombëtare.

Ditën e sotme, 46 nga të arrestuarit të Megaoperacionit antidrogë “Tempulli” pritet të dalin sot përpara Gjykatës. Sot do njihen me masat e sigurisë; Merushe Xhiku, Prokuroria ka kërkuar mase sigurie “Detyrim Paraqitje”. Luzjana Karagjozi me masë sigurie “Arrest në shtëpi”, Amarildo Muçollari, David Zhegu, Daniel Pashollari, Engjëll Hortja, Andi Hyka, Xhoni Korteshi, Hysen Muça, Xhoj Shkreta, Anderson Fidani, Agron Birja, Klajdi Mema, Marius Hajdari, Ermond Osmani, Andi Arapi, Marsel Harizi, Eriol Liksala, Elton Sulenji, Elidor Xhiku, Drilon Memaj, Frenki Derveni, Eutisjo Mekshi, Sidorel Karaj, Florian Shehu, Çlirim Demiri, Tedi Rusi, Nikoll Deda, Elgert Gjoni, Kejdi Zepishta, Elnid Resulaj, Agielos Cumani, Ergys Fejzo, Elton Zhegu, Klajdi Tufa, Françesko Meta, Alert Zhurda, Florian Kelliçi, Lulzim Plaku, Bekim Domi, Ervis Mēcuku, Hindi Meta, Eduart Ferraja, Denis Aliu, Majlinda Cico, Gentjan Demiri.  Për këto persona, Prokuroria ka kërkuar masën e sigurisë “Arrest me burg”.