Hamasi tha të martën se një propozim i Izraelit për një armëpushim në luftën në Gaza nuk i plotësonte kërkesat e fraksioneve militante palestineze, por do ta shqyrtonte ofertën më tej dhe do t’u jepte përgjigjen ndërmjetësuesve.
Propozimi iu dorëzua lëvizjes islamike palestineze nga ndërmjetësuesit egjiptianë dhe ata nga Katari në bisedimet në Kajro që synojnë të gjejnë një rrugëdalje nga lufta shkatërruese në Rripin e Gazës, tashmë në muajin e saj të shtatë.
Bisedimet në Kajro , ku mori pjesë edhe drejtori i CIA-s, William Burns, deri më tani nuk kanë arritur të arrijnë një përparim drejt ndalimit të luftës.
“Lëvizja është e interesuar të arrijë një marrëveshje që i jep fund agresionit ndaj popullit tonë. Pavarësisht kësaj, qëndrimi izraelit mbetet i papajtueshëm dhe nuk përmbushi asnjë nga kërkesat e popullit tonë dhe rezistencës sonë,” tha Hamasi në një deklaratë pas propozimit të fundit të armëpushimit .
Hamasi tha se do ta shqyrtonte propozimin më tej dhe do t’u kthehej ndërmjetësuesve me përgjigjen përfundimtare.
Hamasi dëshiron çdo marrëveshje për të siguruar fundin e ofensivës ushtarake izraelite, një tërheqje të forcave izraelite nga Gaza dhe për të lejuar njerëzit e zhvendosur të kthehen në shtëpitë e tyre në enklavë.
