Nëna akuzohet për tentim vrasje pasi e mbylli djalin në…

Një grua austriake po hetohet për tentativë për vrasje dhe torturim të djalit të saj 12-vjeçar pasi e mbylli atë në një kolibe qensh, thanë autoritetet.

32-vjeçarja akuzohet se e ka mbajtur djalin në temperatura nën zero dhe e ka lënë të uritur.

Djali i kequshqyer kishte një temperaturë trupore prej vetëm 26.8 gradë celsius dhe ishte afër vdekjes pasi u torturua për muaj të tërë, tha Johann Baumschlager, zëdhënës i policisë, shkruan BBC.

Djali u dërgua me urgjencë në spital dhe nëna e tij u arrestua të nesërmen.

Gruaja dyshohet se e kishte larë djalin e saj me “ujë të ftohtë disa herë në ditë, ndërsa hapte dritaret e apartamentit për disa orë në mes të temperaturave nën zero”, tha Baumschlager.

Djali tani është rikuperuar fizikisht, por “nga pikëpamja psikologjike, ai është ende i shkatërruar”, shtoi ai.

Gjykata e Lartë e Drejtësisë hodhi poshtë ankesën e gruas kundër mbajtjes në paraburgim për disa muaj në fund të majit.

Hetimi pritet të vazhdojë deri në fund të verës, kur do të merret vendimi për aktakuzën.