Një burrë bie përtokë në mes të Tiranës (Video)

Një burrë është ndjerë keq dhe është shembur në tokë në qendër të kryeqytetit pak pas mesditës së sotme. Personi në fjalë siç shihet në pamjet e siguruara nga “BalkanWeb” është rreth të 50-ave dhe shihet që ka rënë në tokë.

Pasi i flasin qytetarë të ndryshëm ai përmendet, por pa arritur të çohet më këmbë. Kalimtarët i ofrojnë ujë dhe alkool për t’u përmendur, por nuk e prekin me dorë, për shkak dhe të frikës nga koronavirusi.

Ngjarja ka ndodhur tek zona e “6 katësheve” shumë pak metra larg urgjencës Kombëtare.