Një ditë para protestës, Berisha-Policisë: Çdo protestues i lënduar, konsiderohet i persekutuar politik..

Kreu i PD-së, Sali Berisha ka paralajmëruar policinë e Shtetit për protestën e ditës së nesërme.

Berisha u shpreh se protesta e ditës së nesërme do të ketë shumë interes për europianët dhe veçanërisht për SHBA.

“Protesta e ditës së nesërme, thirrja e saj ka një impakt të jashtëzakonshëm tek qytetarët shqiptarë dhe pritet me një interes të madh në mbarë botë. Mund tu them se kjo është protesta, në të gjithë memorien time që ka zgjuar interesin më të gjallë, jo vetëm në Shqipëri, ku në të gjitha qytetet, fshatrat, rrugicat, rrugët, kafenetë, klubet, restorantet nuk flitet për gjë tjetër veç se për këtë protestë, por interes të madh në mbarë botën, veçanërisht në SHBA dhe vendet e Europës”, tha Berisha.