Një zjarr i madh përfshin hotelin e Cristiano Ronaldos në Marrakech, punonjësit evakuohen

Hoteli “Pestana CR7”, i cili është në pronësi të një prej futbollistëve më të mirë të të gjitha kohërave, Cristiano Ronaldos, ka qenë në qendër të dramës pas një zjarri që shpërtheu në ndërtesë, i cili shkaktoi dëme të mëdha materiale.

Zjarri përfshiu një pjesë të hotelit, por punonjësit u evakuuan në kohë, gjë që parandaloi viktima njerëzore.

Shtojmë se zjarri u lokalizua shpejt dhe u vu nën kontroll, por pjesë të hotelit pësuan dëme të rënda për shkak të përhapjes së zjarrit

Nga rruga, zinxhiri Pestana CR7 ka gjashtë prona luksoze duke përfshirë ato në Funchal, Lisbonë, Madrid, Paris, Mançester dhe Marrakech.

Vetë Ronaldo aktualisht është futbollist i Al Nassr-it saudit, ku këtë sezon ka shënuar 30 gola në 34 paraqitje në të gjitha garat, ku ka shtuar edhe katër asistime. /Telegrafi/