Nuk fjeta asnjë minutë/ Ja për çfarë u deklarua presidenti Vuçiç

Presidenti i Serbisë, Aleksandër Vuçiç, tha se çdo ditë mendon për hyrjen e Serbisë në BRICS (aleancë e Brazilit, Rusisë, Indisë, Kinës dhe Republikës së Afrikës së Jugut), por se ky për momentin nuk është opsion për Serbinë.

Në televizionin Happy, Vuçiç tregoi bisedën e tij me Sheik Muhamed Bin Zayed, i cili e pyeti nëse donte që fëmijët e tij të jetonin për 20 vjet në Evropë, e cila do të ketë shtatë ose tetë për qind të ekonomisë botërore, apo në ndonjë aleancë tjetër që do të ketë 40 ose 50 për qind dhe se ai i tha se synon të bashkohet me Emiratet e Bashkuara Arabe në BRICS.

Vuçiç gjithashtu tha gjithashtu se ish-presidenti Slobodan Milloshević ishte një njeri me performancë të jashtëzakonshme, dhe ka konsideruar se ai është dashur t’i ndalte bombardimet pas pesë apo dhjetë ditësh, por sigurisht që nuk ka faj pasi që NATO-ja vendosi për atë lëvizje pa vendimin e Këshillit të Sigurimit të OKB-së.

Ndërsa duke folur për veten u shpreh se është shumë i kujdesshëm dhe se nuk është i gatshëm të lërë gjakun serb të rrjedhë apo të jetë në pushtet pa legjitimitet, kështu që nëse lista e Partisë Përparimtare Serbe, ku është edhe emri i tij, humbet zgjedhjet parlamentare, në vitin 2024 ai do të shpallë  zgjedhjet presidenciale, kur të dojë qeveria e re, në maj ose shtator dhe se së paku atëherë qytetarët do ta shohin se atij nuk i intereson pushteti, por Serbia.

Vuçic po ashtu ka thënë se një natë para samitit të Bashkimit Politik Evropian në fillim të tetorit në Granada, “nuk kishte fjetur asnjë minutë. ”

Ai ka thënë gjithashtu se nata e dytë më e vështirë dhe pa gjumë ka qenë pas ngjarjeve në fshatin Banjskë më 24 shtator dhe se për të tretën nuk ka dashur të flasë.