“Nuk ka dorëzim, protestat vazhdojnë”/ Nova tregon cili është plani i opozitës

Protestat  për shkak të vjedhjes së zgjedhjeve në Beograd nuk po qetësohen dhe intelektualët e mbledhur para organizatës ProGlas paralajmërojnë protesta të reja.

Me të gjitha llogaritë, Serbia do ta presë vitin e ri në rrugë, duke kërkuar anulimin e rezultateve zgjedhore.

Kryetari i Lëvizjes Kombëtare të Serbisë, Miroslav Aleksiç, tha për ‘Nova.rs’ se nuk do të dorëzohet dhe paralajmëron modele të reja të protestave.

“Do ketë protesta për aq kohë sa të jetë nevoja dhe derisa të arrihet ajo që është më e rëndësishmja në këtë moment, që është anulimi i zgjedhjeve dhe përsëritja e tyre. Ato u vodhën dhe kjo u vërtetua faktikisht si nga kontrolli ynë, ashtu edhe nga misionet e vëzhgimit dhe ODIHR. Të gjithë ata që po protestojnë këto ditë po protestojnë për shkak të zgjedhjeve të vjedhura dhe kanë vetëm një kërkesë, dhe ajo është përsëritja e tyre” – tha Aleksiç për Nova.

Në pyetjen se çfarë do të ndodhë nëse zgjedhjet nuk përsëriten dhe shpallen rezultatet përfundimtare, Aleksiç u shpreh: – “Si do të përfundojë, e kam të vështirë ta hamendësoj, por mendoj se tani, për shkak të gjithë atmosferës në shoqëri dhe tensioneve të mëdha, gjëja më normale do të ishte të arrihej një marrëveshje për përsëritjen e zgjedhjeve”