Numërohen 60% e votave, PS kryeson me 52.6%, PD 34%, PSD forcë e tretë

Kur janë numëruar mbi 3253 kuti nga 5225 Qendra Votimi në të gjithë vendin, Partia Socialiste kryeson me 52.6%. Socialistët kanë siguruar deri tani rreth 430 mijë vota. Koalicioni PD-ASHM ka 34.% ose rreth 278 mijë vota në të gjithë vendin.

Forcë e tretë politike renditet PSD me 3.65% të votave. Socialdemokratët e Tom Doshit kanë marrë deri tani rreth 30 mijë vota në të gjithë vendin. Votat e tjera ndahen mes Nisma-Shqipëria Bëhet me 3.4%, Mundësia 2.8%, Koalicioni Euroatlantik reth 1.2% dhe Djathtas për Zhvillim 0.37%.

Sipas rezultatit paraprak, PS merr 83 deputetë, PD 51, PSD 3 dhe Mundësia, Nisma-Shqipëria Bëhet dhe Lëvizja Bashkë nga një mandat.