Olsi në SPAK, Rama: Gazi ti gjejë vendin gishtit të akuzës që e ka mbajtur aq shumë në ajër

Kryeministri i Shqipërisë, Edi Rama, ka reaguar në “X” për kallëzimin e pretenduar të Gazment Bardhit për vëllain e kryeministrit në SPAK, për dosjen “Xibraka”.

Ai thekson se nuk ka pasur fare kallëzim në Prokurorinë e Posaçme dhe për gishtin e akuzave, Bardhi do duhet të përgjigjet para ligjit.

A ju kujtohet kur thoshte “kallzim more kallzim kam bërë” duke tundur ndenjësen mbi karrige?! Kishte zbuluar një narkotrafikant në familjen time, që e kishte kallzuar në SPAK dhe aq shumë e bëri ajrin vrimë me gisht sa e detyroi narkosin e kallzuar, t’i bënte kallzim për kallzim të rremë.

Mirëpo ja që s’paska qenë kallzim i rremë sepse s’paska qenë fare hiç kallzim, po një tjetër kërcim i çingijes në prehërin e tutorit të ri lart në ballkon.

Fatmirësisht SPAK-u megjithatë e ka rihapur dosjen e tundur nga çingija si dajre mbi prehërin e tutorit dhe le të presim deri në fund nëse do të gjejë provat e pretenduara nga çingija do të duhet t’i gjejë vendin gishtit të akuzës që e ka mbajtur aq shumë në ajër, për të argumentuar kallzimin e paqenë!