Pakti për eksportin e grurit/ Guterres i shqetësuar: Moska mund të tërhiqet

Sekretari i përgjithshëm i OKB -së , António Guterres, u shpreh sot se ishte i shqetësuar se Rusia do të tërhiqej më 17 korrik nga marrëveshja që lejon eksportin e sigurt të grurit dhe plehrave kimike gjatë kohës së luftës nga tre porte ukrainase të Detit të Zi.

Moska ka kërcënuar se do të largohet nga marrëveshja, e njohur si nisma e grurit të Detit të Zi, e ndërmjetësuar nga OKB-ja dhe Turqia në korrik të vitit të kaluar, nëse pengesat për dërgesat e saj të drithërave dhe plehrave kimike nuk hiqen.

“Jam i shqetësuar dhe po punojmë shumë për të siguruar që do të jetë e mundur të ruhet nisma e Detit të Zi dhe në të njëjtën kohë që ne jemi në gjendje të vazhdojmë në punën tonë për të lehtësuar eksportet ruse”, u tha Guterres gazetarëve.