PAMJET/ Heqin dorë nga bananet, transportohet kokainë në kontieren me karkaleca

Autoritetet gjetën më shumë se 64 kilogramë kokainë në një kontenier me karkaleca në portin e Pireut. 

Operacioni është ngritur nga nëndrejtoria e Prokurorisë së Narkotikëve pranë Drejtorisë së Sigurisë së Athinës, me pjesëmarrjen e autoriteteve doganore, si dhe nga Prokuroria e Narkotikëve pranë S.D.O.E.

Në kuadër të hetimeve dhe në vijim të shfrytëzimit të informacioneve të marra nga Administrata Amerikane e Zbatimit të Drogës. (DEA), u gjet një kontenier me origjinë nga Ekuadori , në të cilin u gjetën dhe u konfiskuan 58 pako të improvizuara me gjithsej 64 kilogramë kokainë .

Përfitimi i pritshëm nga importimi dhe shitja e sasisë së konfiskuar të kokainës e kalon shumën prej  2.000.000 euro , ndërkohë që vijojnë hetimet për identifikimin dhe kapjen e autorëve.

Sipas burimeve policore që folën për protothema.gr, është hera e parë që droga zbulohet jo në një ngarkesë frutash (zakonisht banane), por në frigoriferë ku ruhen karkalecat.

“Deri tani trafikantët zakonisht transportonin drogë në ngarkesa me banane. Për shkak se ngarkesa të tilla janë kapur shumë herë, tani kanë gjetur mënyra të reja. Është hera e parë që kokaina gjendet në një frigorifer ku mbahen karkaleca deti”, theksuan ata.

Të njëjtat burime shtuan se tashmë po krijohet një situatë e re, jo vetëm në Greqi, por edhe në Evropë në përgjithësi, pasi rrjetet kriminale po kërkojnë vazhdimisht mënyra të reja për të transportuar mallrat e tyre.

“E gjithë Europa është e shqetësuar për këtë pasi sasitë e gjetura herë pas here janë shumë të mëdha. Hetimet do të rriten, si dhe bashkëpunimi mes vendeve”, përfunduan ata./pontherma.gr