Pasojat e luftës, 5 pacientë vdiqën nga mungesa e energjisë

Kryeministri i Izraelit, Benjamin Netanyahu, duket se nuk i dëgjoi thirrjet e liderëve perëndimorë për të bërë më shumë përpjekje për t’i mbrojtur civilët palestinezë, pasi IDF rrethoi spitalin kryesor në veri te Rripit te Gazës, Al Shifa ku mjekët thanë se vdiqën pesë pacientë, përfshirë një foshnje, pasi gjeneratori i fundit mbeti pa karburant.

Stafi mjekësor i mjekojnë të plagosurit duke përdorur blicin nga celularët e tyre. Sipas raportimeve, më shumë se 20 foshnja ne spitalin Al Shifa kanë nevojë urgjente për trajtim me oksigjen.

Raportohet se Ushtria izraelite ka sulmuar spitalin Al-Shifa, i cili vuan jo vetëm nga mungesa e energjisë dhe mosfunksionimit te gjeneratorëve, por edhe nga mungesa e ujit, personelit dhe furnizimeve mjekësore.

Izraeli mohoi se spitali ishte nën rrethim, por pranoi se po zhvillohen luftime në zonë duke thënë se ana lindore e spitalit ishte e lire për kalim të sigurt të atyre që duan te largohen për në jug të Gazës. Ushtria e Izraelit tha se janë duke luftuar vetëm me Hamasin pasi nën spitalin Al Shifa ndodhet qendra kryesore e komandimit te grupit militant dhe se militantët e grupit po i përdorin pacientet si mburoja njerëzore.

Hamasi e mohon këtë ndërsa stafi mjekësor thotë se pacientët mund të vdesin nëse zhvendosen. Autoritetet palestineze shprehen se largimi i pacienteve është rrezik për jetën e tyre në këtë situatë ku luftimet janë intensive. Zëdhënësi i ushtrisë se Izraelit gjeneral Daniel Hagari tha ne një konferencë për shtyp se Stafi i spitalit Shifa ka kërkuar nga Izraeli te ndihmoje foshnjat ne repartin e pediatrisë për ti transportuar në një spital më të sigurt.

Hagari tha se do ofronin ndihmën e nevojshme për evakuimin. Sakaq, OKB thotë se zyra e saj në Gaza është bombarduar gjatë natës dhe se ka raportime për të vdekur dhe të plagosur. “Kjo është e gabuar”, shkruan një përfaqësues i UNDP ne rrjetet sociale.

“Civilet infrastruktura dhe objektet e OKB duhet te mbrohen gjithmonë”, shkruan ai. Në një deklaratë të fundit Ministria e Jashtme e Izraelit tha se numri zyrtar i izraeliteve te vrarëve gjatë sulmit vdekjeprurës të 7 tetorit është ulur në 1.200 nga 14000 te raportuar me pare. Ndërsa sipas Ministrisë së Shëndetësisë në Gazën e udhëhequr nga Hamasi, mbi 11.000 palestinezë janë vrarë që nga nisja e luftës.