Pastrimi i parave/ Paloka-Ramës: Ia kaloi Gjermanisë, po i qan hallin anglezëve

Deputetit i PD Edi Paloka ka ironizuar deklaratat e kryeministrit Edi Rama, i cili tha sot në Podcastin e tij se qeveria e tij ka kaluar Gjermaninë.

Paloka shkruan se pasi qeveria e Ramës ia kaloi Gjermanisë, tani kryeministri po iu qan hallin anglezëve.

“Vetëm një gjë nuk shpjegoi udhëheqësi “fanar ndriçues” , mirë anglezët i ka zënë halli, po shqiptarët e lumtur pse rrezikojnë jetën për të shkuar të vuajnë në Angli?!”.

Postimi i plotë i Palokës:

Pasi ja kaloi Gjermanisë, tani po ju qan hallin anglezëve! Anglezët e shkretë që vuajnë e nuk ja dalin dot, ndryshe nga qytetarët e lumtur që jetojnë nën kujdesin e tij…

Vetëm një gjë nuk shpjegoi udhëheqësi “fanar ndriçues” , mirë anglezët i ka zënë halli, po shqiptarët e lumtur pse rrezikojnë jetën për të shkuar të vuajnë në Angli?!

Këtë na thonte dhe shoku Enver një herë e një kohë, na tregonte se sa me fat ishim ne që jetonim në Shqipërinë socialiste ndërkohë që gjithë popujt e tjerë që nuk kishin fatin të ndriçoheshin prej udhëheqësit tonë, vuanin padrejtësisht në mjerim!