Pekini goditet nga përmbytjet, 31 të vdekur në azilin e të moshuarve

Viktimat ishin kryesisht banorë të moshuar dhe të palëvizshëm, të cilët nuk mundën të evakuoheshin me kohë.

Ngjarja ndodhi në distriktin Miyun, ku rreth 77 të moshuar ndodheshin në azil në momentin kur përmbytjet goditën zonën, duke izoluar rreth 40 prej tyre në ndërtesë, teksa niveli i ujit u rrit deri në 2 metra.

Pamjet treguan ekipet e emergjencës duke lundruar në ujë të thellë deri në gjoks për të shpëtuar të mbijetuarit.

Zyrtarët pranuan se objekti nuk ishte përfshirë në planin e evakuimit, pasi konsiderohej një zonë e sigurt.

“Kjo tregon boshllëqe serioze në planifikimin tonë të emergjencës,” u tha në një konferencë shtypi të enjten, duke shtuar se “ky mësim i dhimbshëm ka shërbyer si një thirrje zgjimi.”

Në total, 44 persona kanë humbur jetën në përmbytjet që kanë përfshirë Pekinin këtë verë, në një sezon të karakterizuar nga moti ekstrem në mbarë Kinën.

Në provincën Hebei, e cila kufizohet me Pekinin, 16 persona të tjerë kanë vdekur dhe 18 rezultojnë të zhdukur, ndërsa 8 viktima u raportuan në qytetin Chengde.

Azili i goditur, i ndodhur në qytetin Taishitun, ofronte kujdes për të moshuarit me aftësi të kufizuara të rënda dhe me të ardhura minimale, sipas raporteve të mediave kineze. Shumë prej banorëve nuk ishin në gjendje të lëviznin pa ndihmë, gjë që e bëri evakuimin e tyre të vështirë.

Pekini ka një histori të përmbytjeve vdekjeprurëse, përfshirë atë të korrikut 2012, ku humbën jetën 79 persona pas një dite me reshje ekstreme.

Moti i rëndë këtë verë ka prekur gjithë territorin e Kinës. Dy persona humbën jetën dhe dhjetë të tjerë u zhdukën në provincën Shandong pas tajfunit Wipha, ndërsa një rrëshqitje dheu vrau tre persona në Ya’an, në jugperëndim.

Ndryshimet klimatike po konsiderohen gjithnjë e më shumë si shkaku kryesor pas këtyre ekstremeve. Sipas Ministrisë së Menaxhimit të Emergjencave të Kinës, fatkeqësitë natyrore i kanë kushtuar vendit mbi 7.5 miliardë dollarë vetëm në gjysmën e parë të vitit, ku përmbytjet përbëjnë më shumë se 90% të humbjeve.

@thejournal_ie

Torrential rains have killed more than 30 people in China, state media has confirmed. Weather authorities have issued their second-highest rainstorm warning for the capital Beijing, neighbouring Hebei and Tianjin, as well as ten other provinces in northern, eastern and southern China. The rains are expected to last into Wednesday, state news agency Xinhua said. Read more at the link in bio.

♬ original sound – The Journal – The Journal