Aktualitet
‘Përjetova tmerr’/ 62-vjeçari tentoi të përdhunojë 75-vjeçares/ Zbardhet dëshmia
![](https://ntv.al/wp-content/uploads/2023/10/dhune-2.jpg)
Një 62-vjeçar u arrestua nga Policia e Korçës pasi u fut nga dritarja e shtëpisë dhe tentoi të kryejë marrëdhënie seksuale me dhunë me 75 vjeçaren.
E moshuara mësohet të ketë rrëfyer detaje nga ngjarja, zhurma e cila e zgjoi në 2:30 të natës dhe përpjekjet që ajo ka bërë për ti rikujtuar 62-vjeçarit se ishte nip i bashkëshortit të saj.
Më tej e moshuara thotë se është detyruar ta sulmojë për të mbrojtur veten, ajo thotë se jeton e vetme pasi vajzat i ka të martuara por natën e ngjarjes ka qenë i vëllai që i ka ardhur në ndihmë.
E moshuara:
U fut nga dritarja në orën 2:30 të natës, kur unë isha në gjumë.
Më theu dritaren e dhomës së gjumit.
Kishte tentuar të futej nga dritarja tjetër e shtëpisë, nuk ja doli dot që aty dhe hyri nga dhoma e gjumit.
Unë isha në gjumë, u tmerrova se bëri zhurmë të madhe kur u thye xhami.
Unë u ngrita dhe ç’të shihja një njeri që rri përpara meje në 2:30 të natës.
Kur e shoh ai ishte djali i kunatit, e kemi nipin e shtëpisë.
Nuk u besoja syve. Ai thërriste, më thoshte fjalë të pista, tentoi të më kapë por unë gjeta fuqinë, e kam kundërshtuar, kam luftuar e vetme.
I thosha të kemi djalin e shtëpisë, por ai nuk dëgjonte. E sulmova mesa fuqi kisha ta ndaloja.
E nxora jashtë dhe në atë moment marr motrën në telefon, më pas motra lajmëron vëllain dhe ky i fundit vjen në shtëpi. Ja shpjegoj situatën dhe më pas lajmëruam policinë.
Unë jetoj vetëm, nuk kam njeri në shtëpi, vajzat i kam të martuara. Përjetova tmerrin.
62 vjeçari u arrestua nga policia ndërkohë që pritet të njihet me masën e sigurisë në ditët në vijim.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)