Përndiqte ish-partneren dhe posedonte drogë, arrestohet shqiptari në Itali

Një shqiptar ka rënë në prangat e policisë italiane pasi akuzohet për përndjekje të ish-partneres dhe posedim të lëndëve narkotike. Pavarsisht urdhërave të gjykatës shqiptari kishte tentuar të kontaktonte me ish-partneren. Kjo shkelje e masave të vendosura ka ngritur shqetësime serioze për sigurinë e vajzës, e cila prej kohësh është viktimë e përndjekjes. Hetimet paraprake kishin nxjerrë tashmë një pamje të sjelljes agresive të shqiptarit, i cili asnjëherë nuk ishte treguar i gatshëm të respektonte kufizimet ligjore të vendosura për të mbrojtur ish-partneren e tij.

Shqiptari tashmë përballet jo vetëm me akuzën e përndjekjes por edhe për veprën shtesë të posedimit të lëndëve narkotike. Pas arrestimit, ai u dërgua në burg, ku do të qëndrojë në dispozicion të organeve të drejtësisë. Autoritetet kompetente tani po vlerësojnë intensifikimin e masave mbrojtëse për viktimën, që në vetvete tashmë duket të jetë një nga prioritetet në situata të ngjashme. Gjithashtu karabinierët i gjetën edhe 5 gramë kokainë, të ndarë në gjashtë doza gati për tu shitur.

Ky detaj rrit shkallën e alarmit rreth figurës së personit të arrestuar, duke nënvizuar rrezikun që sjellja e tij mund të jetë shtrirë në një kontekst më të gjerë të trafikimit të substancave të paligjshme. Zbulimi i drogës jo vetëm përkeqëson pozitën e shqiptarit, por ngre pikëpyetje se si lidhen këto dy probleme.