Përpjekja për vrasjen e Trump/ FBI: Thomas Matthew Crooks, ‘jashtëzakonisht inteligjent’…

Zyrtarët e FBI-së u ulën me ish-presidentin Donald Trump javën e kaluar për të zbuluar një portret gjithnjë e më kompleks të Thomas Matthew Crooks, i cili tentoi të vrasë kandidatin republikan për President.

Më 1 gusht, agjentët federalë ndanë informacione të reja me Trump, lidhur me Crooks, i cili në 13 korrik, gjatë mitingut në Butler, Pensilvani, shtiu me një armë automatike ndaj ish-Presidentit, duke e plagosur, ndërsa nga të shtënat mbeti i vrarë një nga pjesëmarrësit në miting dhe dy të tjerë u plagosën.

FBI tha në takim se beson se Crooks ishte “jashtëzakonisht inteligjent”, por me siguri kishte një çrregullim të padiagnostikuar.

20-vjeçari shënoi më shumë se 1500 pikë në provimin e tij para kolegjit. Rezultati mesatar në SHBA është 1050, sipas Bordit të Kolegjit.

Agjencia tha se pavarësisht sjelljes së tij, ndonjëherë, të çuditshme, Crooks nuk u diagnostikua kurrë me ndonjë çrregullim.

Thomas Matthew Crooks diplomohet nga shkolla e mesme Bethel Park në 2022.

FBI thuhet se i tha Trump se motivi i Crooks ishte ende i panjohur që nga javën e kaluar.

Në javët para sulmit të paramenduar të Crooks, ai kërkoi në internet për politikanë demokratë dhe republikanë, së bashku me Konventën e ardhshme Kombëtare Demokratike dhe “çrregullimin depresiv”.

Burimet thanë se në intervistën gati 90-minutëshe mes Trump dhe një zyrtari të lartë nga zyra e FBI-së në Pittsburgh, ish-presidenti bëri shumicën e pyetjeve.

FBI e përshkroi takimin me Trump si një “intervistë standarde të viktimave”.

Përtej pyetjeve rreth Crooks dhe se si ai arriti të ngjitej pa u zbuluar në majë të një ndërtese aty pranë me një pushkë të stilit AR-15, Trump thuhet se donte të dinte nëse autoritetet kishin zbuluar ndonjë lidhje të huaj me sulmin e Crooks.

Burimet i thanë mediave se ishin në gjendje të hynin në tre llogari të huaja të postës elektronike të përdorura nga Crooks sepse fjalëkalimet e tij ishin ruajtur në kompjuterin e tij, por ata nuk gjetën indikacione se dikush tjetër ishte i përfshirë në sulm.

Informacioni i mbledhur nga llogaritë e email-it tregojnë se ai ndante informacion në lidhje me blerjet e armëve dhe municioneve, por nuk hidhet dritë mbi atë që e shtyu Crooks të tentonte të vriste ish-presidentin.

Informacioni i publikuar rishtazi vazhdon të përshkruajë një pamje komplekse të Crooks pasi hetuesit kryesorë ende nuk mund të përcaktojnë përfundimisht se çfarë e motivoi 20-vjeçarin të hapte zjarr ndaj Trump gjatë mitingut të Butler, Pensilvani.

Jason Kohler, i cili ndoqi të njëjtën shkollë të mesme si Crooks, e përshkroi atë për Fox News si një “të dëbuar” që ishte gjithmonë vetëm dhe “ngacmohej çdo ditë”.

Julianna Grooms, e cila u diplomua një vit pas Crooks, tha se ai vishej me veshje kamuflazhi ose gjuetie dhe ndërvepronte në mënyrë të vështirë.