Connect with us

Sport

Pesë fitore radhazi, Napoli ‘likuidon’ 2-0 Veronën dhe kryeson Serie A

Serie A e futbollit vijoi këtë të diel me katër ndeshjet e radhës në program, të vlefshme për raundin e 20-të. Gjithçka nisi në 12:30 me fitoren 1-0 të Genoas kundër Parmës. Interi fitoi 0-1 në udhëtim me Venezian, aty ku për zikaltërit nga minuta e parë luajti Kristjan Asllani. Pasim fantastik nga djaloshi kuqezi për golin e fitores. Ndërkohë Roma u ndal 2-2 në Bologna. Napoli fitoi pa vështirësi 2-0 në shtëpi dhe kryeson renditjen e Serie A.Në “Pierluigi Penzo” vendasit e Venezias nuk i bënë dot ballë Interit duke u mposhtur 0-1. Për zikaltërit Kristjan Asllani e nisi ndeshjen nga minuta e parë dhe la shenja në këtë duel. Minuta e 16-të e sfidës ishte deçizive, kur Asllani nga mesi i fushës dhuroi një pasim të bukur në sulm për Lautaron. Argjentinasi e kontrolloi sferën bukur, por goditja u ndal nga portieri vendas dhe në topin e kthyer Darmian nuk mund të gabonte me portën bosh. Në minutën e 41 Asllani u ndëshkua me karton të verdhë, teksa në të 63′ Inzaghi vendosi mos e rrezikonte duke e zëvendësuar me Frattesin.Në “Maradona” skuadra e Napolit fitoi 2-0 kundër Veronës dhe kryeson Serie A, paçka se Interi ndjekës ka dy ndeshje më pak dhe është me vetëm -4 pikë pas. Ndeshja u zhbllokua shpejt, teksa vendasit detyruan Montipo të shënonte në portën e tij pas vetëm pesë minutave lojë. Në pjesën e dytë djemtë e Antonio Contes shënuan edhe golin e qetësisë me autor Anguissa, kjo pas pasimit final të Lukakut.

Në “Maradona” skuadra e Napolit fitoi 2-0 kundër Veronës dhe kryeson Serie A, paçka se Interi ndjekës ka dy ndeshje më pak dhe është me vetëm -4 pikë pas. Ndeshja u zhbllokua shpejt, teksa vendasit detyruan Montipo të shënonte në portën e tij pas vetëm pesë minutave lojë. Në pjesën e dytë djemtë e Antonio Contes shënuan edhe golin e qetësisë me autor Anguissa, kjo pas pasimit final të Lukakut.

Napoli siguron fitoren e pestë radhazi dhe me 47 pikë kryeson Serie A, ndërsa pas tyre ndodhet Interi me 43 pikë që ka dy ndeshje më pak.

GOLAT/ Roma merr një pikë në limite, Bologna e ndal 2-2 në ‘Dall’Ara’


Bologna dhe Roma barazuan 2-2 në një ndeshje që mbajti të ‘gozhduar’ tifozët deri në çastet e fundit. Pjesa e parë nuk prodhoi gola, ndërsa ekipet ia kishin lënë gjithçka fraksionit të dytë.Duhej Saelemaekers për kryeqytetasit që të zhbllokonte takimin në minutën e 58-të, por avantazhi i tyre zgjati pak. Bologna përmbysi me Dallinga në minutën e 61 dhe penalltinë e Ferguson në të 65′. Megjithatë miqtë nuk u dorëzuan dhe Dovbyk në shtesën e tetë barazoi gjithçka me penallti.Bologna me 29 pikë mban pozitën e shtatë, ndërsa Roma mbetet në vendin e dhjetë me 24 pikë.

Related Topics:
Advertisement