“Po përgatitet një tjetër sulm ndaj Kosovës”, KFOR në gatishmëri

Pak minuta pasi kryeministri Albin Kurti ka përfunduar konferencën e tij ku paralajmëroi një tjetër sulm terrorist sipas tij nga ana e Serbisë, misioni i KFOR-it në Kosovë ka publikuar fotografi të ushtarëve amerikanë duke patrulluar në afërsi të Leposaviçit

Këto janë patrullime të sigurisë të bëra nga amerikanët që janë në kuadër të Komandës Rajonale Lindore të KFOR-it. KFOR shkruan se është e fokusuar plotësisht në implementimin ditor të mandatit të saj bazuar në Rezolutën 1244 për të ofruar një ambient të qetë dhe të sigurt për të gjithë ata që jetojnë në Kosovë.

POSTIMI I PLOTË:

Ushtarët amerikanë të caktuar në Komandën Rajonale të KFOR-it në Lindje (RC-E) kryen një patrullë sigurie në afërsi të Leposaviçit. KFOR-i është plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të sigurt për të gjitha komunitetet që jetojnë në #Kosovë dhe lirinë e lëvizjes.

Kurti në një konferencë të përbashkët për mediat me ministrin e Punëve të Brendshme Xhelal Sveçla, tha se grupi i Milan Radoiçiç po riorganizohet për sulmin e radhës në Kosovë. Ky organizim sipas Kurtit po ndodhë në ambientet e një firme në Rashkë, ku Radojiçiç mban edhe takime me zyrtarë të BIA-s serbe. Kurti ka deklaruar se në objektin e firmës “Jablanovica” në Rashkë janë duke u mbajtur edhe armatimet e përgatitura për sulm në Kosovë dhe gjithashtu edhe pjesëtarët e mbrojtjes civile. Kurti ka thënë se këta pjesëtarë të grupit terrorist të Radojiçiçit paguhen rreth 2 mijë euro në muaj,përveç akomodimit.