PODCAST me Zidanen/ Tony Parker “zbërthen” trajnerin francez si asnjëherë më parë

Zinedin Zidane ishte protagonisti i madh i episodit të fundit të “The SKWEEK Show”, një podcast i drejtuar nga legjenda e basketbollit, Tony Parker. Në emision, Zidane kujtoi disa momente qesharake nga karriera e tij, si ai me Ronaldon, një nga yjet e pabesueshëm me të cilin luajti te Real Madrid.

“U shkriva së qeshuri kur isha me Ronaldon brazilianin dhe ai më tha: Sot do t’ju hedh dy topa. Ai e tha dhe e bëri vërtetë”. Ndër të tjera, ish-numri 5 nuk e ka problem të pranojë, në përgjigje të pyetjes së Parker, se ‘Ronnie’ është lojtari më i mirë, me të cilin ka luajtur.

Zidane këmbëngul në rëndësinë e rrethimit me njerëz të talentuar për t’u përmirësuar dita-ditës, përveç brazilianit, të cilin e konsideron një person “fenomenal” dhe që “bënte gjithmonë shaka”.

Mes Kupës së Botës dhe Ligës së Kampionëve, ndoshta dy turnetë më të rëndësishëm për një futbollist, ish-lojtari i Juventusit zgjedh padyshim Botërorin e fituar në vendin e tij në vitin 1998 (duke shënuar dygolësh në finale, ndaj Brazilit të fenomenit.

“Një arritje e pashoqe, ndjesia më e bukur që kam përjetuar”. Edhe pse kanë kaluar më shumë se 25 vite nga ai moment, Zidane e kujton si një nga triumfet e tij më të veçanta. Atë vit, ai u rendit në “top 11”-shen e turneut dhe fitoi “Topin e Artë”.

Edhe për momentin më të keq, francezi nuk ka dyshime: rënien me Kanën. Ai nuk luajti sepse ishte i ri, 20 vjeç, afër transferimit te Bordo.