Politike
Presidenti Begaj dekreton rritjen e rrogës së tij, ministrave dhe deputetëve

Presidenti i Republikës Bajram Begaj ka dekretuar ditën e sotme projektligjin për rritjen e pagave.
Presidenca në një njoftim zyrtar shkruan:
Deputetët e PS-së dhe PD-së bashkuan votat për të dyfishuar rrogat e tyre gjatë seancës së kaluar në Kuvend. Gjatë seancës, zv.kryetarja e Kuvendit, Felaj bëri të ditur se Begaj ishte pro këtij projektligji.
Paga e deputetëve bëhet nga 156 770 lekë që është aktualisht në 310 250 lekë, ndërsa e Ministrave nga 174 760 lekë në 318 750 lekë bruto. Kryeministrit dhe kryetarit të kuvendit paga u rritet në thuajse 400 000 lekë bruto nga 228 000 lekë që është sot.
Bajram Begaj është nga sot presidenti më i paguar në rajon, pas votimit në parlamentin shqiptar për rritjen e pagave. Me përfitimin mujor që rritet nga 2320 euro në 3860 euro, ai kalon në rajon edhe presidentët e Kroacisë dhe të Sllovenisë, që paguhen deri në 3500 euro në muaj.

